|
| DO是甚麼???
DO = 做 ???
DO = Day Off ???
喺我腦海中，當然想DO 係後者︰ Day Off。
但我絕對係前者！！
終於過渡了地獄般0既九月，
尤其是因為30 天裡，只有一天的假期，
即使有份食正上次巨爵八號風球的半天假，
但都返咗醫院練習！
雖然我想這並不是甚麼大不了罷….
一個月得一天假可能好多人試過，
可是，我0既壓力指數真係幾乎爆煲喇！
先是去到新Ward ，要從新適應人和事，
Sister 亦比咗一個好好既學習機會我。
每天跟4個cases︰由醫生朝早巡房後﹑跟treatment﹑
到寫kardex ﹑再到交更。
雖然我得承認rehab 醫院節奏慢，而且無乜特別treatment，
但相比以往沒跟開case﹑只做routine嘢既我好大挑戰！
對每樣嘢上心多咗，緊張多咗。
因為就好似成件事由自己負責哂咁，有時可能到交更前先發現做漏嘢，
或者交漏嘢，就會令自己好【滕雞】！
寫kardex 又係另一個學問，每天我都想寫得豐富啲，
有些病人雖然每日既情況真的差唔多，
每天都寫 Condition stable, Afebrile, Appetite good…….continue rehab等，真是悶死人；
但係如果乜都寫一餐又係唔得，因為做唔到帶出病人嗰日同平時既情況有乜分別。
其實面對住成日聽到姑娘同我講 ：你就嚟畢業架喇…...你應該點點點，唔可以再係咁咁咁……
無形中增添好大壓力，反而以前仲輕鬆，依家有時routine 時間要做啲乜，
好似會唔記得咗咁…….每次又要比人【醒】先醒水！
但係愈係咁，自己又愈表現唔好！
唔知有冇人明白我呢 ……唉！
加上，最最最重要0既就係同一時間，
其實我個心已經飛咗去Final Practicum 樹，
睇住日子一日一日咁接近, 就會好驚！
每天A 更，只要夾到同學就會留喺Ward 0既Treatment Room practice ….
“省”Trolley…..互相扮對方既assessor，考十三大0既執Trolley。
希望這次都是1 take pass 吧！
說真的，今次真係好努力，比起會考…..今次仲努力！
這全靠同學互相鼓勵，我諗我先可以堅持到呢一到。
29/9 終於考了…..Ms Cheung 一貫的嚴肅…..加埋奇哥0既不變表情，
可能佢曬到好黑0既膚色，多咗一分嚴肅 ^^
(好彩考嗰陣我無叫錯咗佢做奇哥咋…哈哈, 叫返佢做阿爺, 不過都係好細聲….)
回想返轉頭，好多嘢都做得唔好…..
我幾乎因mouth care 嗰part 令到patient aspiration pneumonia…
雖然Ms Cheung立即stop 咗我….無比我錯落去…
但係我諗呢個應該算係critical point，
希望佢手下留情吧！肯停我應該唔會想我肥掛>.<
餵奶時，當我驗完pH後….我又無拎個IO Chart出嚟confirm 隻奶同patient…..唉
ms 又提我” 你就咁就餵喇, 你係咪唔想要分啊 ??” 我先醒水……
因我無喺預備mouth care 時無執埋個IO Chart 出嚟…就咁又燒焦咗！！
希望係AT 嗰Part 合格拎到啲分….但那只是佔50分而已！ 依家仲係好驚！
不過完哂後, 我哋喺canteen 聽返兩位老師講Key points 時，
Ms 話欣欣開set 開得最好 :P ….講出嚟到係笑死人，
其實我開的是Disposable set >.< 哈哈
雖然佢不斷游說我開焗set那款…可是我一見到就好驚, 都係簡返自己熟悉既
disposable set！
希望我哋沙田醫院既同學仔，順順利利all pass！
30/10 返去填Nursing Council 既Application Letter。
| | |
| 已確診了人類豬型流感(H1N1) 足足一星期了，
亦悶足個多星期，實習停﹑返工停 (醫院都驚咗我哋 >.< )，
只好呆在家裡接受自我隔離，據說我哋全班有十二位同學加一位職員中咗招，
連新聞都上埋 =.="
而沒有染病的同學亦要在家中接受「醫學觀察」(呢個Term 好正, 其實我一直唔明，留喺屋企
點可以做到「醫學」觀察！
不過呢一個星期，真係令我感受良多，除咗【悶】之外，
就係好暈，原來喺發病之後，第一樣辛苦既就係暈, 喺食咗藥之後燒仍然唔退，而且一直高企！
原來真係好暈，個頭痛到爆 :P
另外，就係比我真真正正咁做咗一隻【豬】，一隻日瞓夜瞓既豬！
食完藥就瞓，瞓﹑瞓﹑瞓，瞓醒又再食藥，再瞓！ 到呢幾日, 仲keep 住每日有瞓晏覺既習慣，
死喇....依家開始擔心再出返ward，我0既體力能否頂得住呢？？唉.....
未去到人哋新ward .......樣都未見過，招呼都未嚟得切打，
第一樣比人認識到我既就係: 「哦，你就係嗰個奶咗嘢既同學啊嘛!! 哈哈!我知你哋既實習suspend咗，咁停到幾時啊？？等我寫封情信比經理同佢講聲啦！」某一位熱情的姑娘說。
琴日終於都出咗街喇 :D
去迫電腦展，終於買到部想買咗好耐既Printer (完哂所有block，到無嘢print 先嚟買  )
其實對於一個電腦白痴嚟講，唔係因為要買printer, 真係唔會去嗰度呀，實在太恐怖喇！
有個奇景: 買printer 送手推車，我差啲因為唔想拎，買咗呢個牌子>.<
幸好我有個私人人力手推車幫我搬返嚟 :P
最開心就喺睇咗 《麥兜响噹噹 》, 嘻嘻，
睇完好有滿足感呀！麥兜0既智力評估: 佢唔係低能，佢只係好善良！
而麥太，作為一個媽媽真係好偉大啊！！
如果我有個仔，生咗個豬仔，我諗我都會帶佢上武當學武術！
今個假期全靠NDS 同埋一本小說幫我解悶 〈The Undomestic Goddness〉，
估唔到喺咁短時間可以完成佢，做做吓律師.....竟然走咗去做家庭傭工，
咁既劇情，真係係佢先諗得出^^
| | |
| 終於嚟到last week 了....之前一直好期待嚟到呢度，
因為兩年裡面，就只有呢一次機會10星期嚟Acute Ward 實習！
原來呢度同Rehab hospital真的差很遠的>.<
慶幸雖然嚟到同一個dept, 但有轉ward的機會，
可以睇到更多唔同既cases！
因為豬流感既原故, 原本個ward就close咗, 轉做step-down ward,
for有流感徵狀／fever既pt 入住。
亦因為咁，我就體驗咗幾星期combine ward setting，
真係得一個字亂，哈哈^^
依家諗返起都恐怖, 一個ward , 有double既姑娘，但最勁可以去到４０幾個pts,
但workload 不減, 只有混亂 !!
不過我應該多謝呢個時期既體驗， 因為今日mentor幫我簽Appraisal 時，
話睇到喺呢個期間，我無因為亂而焛開唔做嘢，
反而好肯幫手，所以佢都比咗好好評價我呢^^
而且好難得美葵姑娘同我短短既傾計裡面，真係feel 到佢真心既鼓勵，
分享佢既經歷, 所以我會好好努力架 ！
而機綠巧合下，因為琴日本身簽好既Appraisal 原來係錯既version，
所以今日喺電話裡面同經理傾咗一陣，
佢都比我好大既鼓舞！
所以....就嚟走了......
又令我回想返自己行呢條路既一啲經過，
好似經理所講，
今日所發生既事， 依家可以行呢條路， 每日仲可以笑，
可以照顧到pt，已經係一件恩典，
所以好好enjoy, 積極去行吧！
| | |
| 最近, 我好像改變了?!
變得敢言,
是否代表我不再像以往般怕事?
不再收藏自己的真實感覺?
為了表達,
而不再安於表面的和諧, 但內心仍充滿抱怨的感覺和關係?
希望這樣做是值得的, 而自己不會後悔!
| | |
| 出ward 年幾以嚟，好恨參與last office,
當然我唔係想啲patints 死...
但如果真係有呢啲事發生時, 真係好想學吓嘢, 見識吓！
不過咁耐以嚟，呢啲事都無喺我個ward 發生,
或者唔喺我嗰更發生.... 試過啱啱Night 完就喺第二朝"去"；
或者escort arrest 0既patint去R 房....最終只係0係中途"走"...
次次都係咁橋....
但前幾晚night.....終於喺隔離病房參與過了.....
(今次都唔喺自己ward 發生....睇嚟可能喺畢業前呢個紀錄都唔會破^^)
原來親眼目睹成個過程, 比我想像中平靜！
或者因為我唔認識呢個伯伯,
無見到佢成個condition 轉差0既過程...
無見到佢屋企人見佢最後一面0既一刻....
所以無乜特別衰傷0既感覺！
不過原來....一個人要離開呢個世界....可以係咁簡單0既>.<
人真係好化....要走....就乜都帶唔走! | | |
|
